Гидрогеологи-геоэкологийн профессорын баг оюутнуудын “Гидрогеологи, инженер геологи, геоэкологийн тулгамдсан асуудлууд” сэдэвт эрдэм шинжилгээний бага хурал жил бүр зохион байгуулдаг. Энэ эрдэм шинжилгээний бага хурлыг он оны төгсөгчид эвээн тэтгэж, санхүүжүүлдэг уламжлал тогтсон.

Хайгуулын өрөмдлөгийн техник технологи мэргэжлийн оюутнуудын дунд эрдэм шинжилгээний бага хурлыг “Танан импекс” ХХК эвээн тэтгэж зохион байгуулдаг.

Газрын тосны салбарын оюутнуудын дунд “Монгол орны газрын тосны салбарын тулгамдсан асуудлууд, шийдвэрлэх арга замууд” сэдэвт оюутны эрдэм шинжилгээний хурлуудыг зохион байгуулдаг уламжлалтай.

2009-2010 оны хичээлийн жилээс оюутны эрдэм шинжилгээ, судалгааны ажил болон сургууль үйлдвэрлэлийн хамтын ажиллагааг дэмжих, оюутны суралцах үйл ажиллагааг идэвхижүүлэх зорилгоор  тус салбарын оюутны эрдэм шинжилгээний хурлыг  “Монторх” ХХК  жил бүр ивээн  тэтгэхээр боллоо.

Энэ удаагийн оюутны эрдэм шинжилгээний хурал 2010 оны 3-р сарын 24-ний өдөр амжилттай болж өндөрлөв. хуралд Нефть хийн хадгалалт тээвэрлэлтийн 4-р дамжааны оюутан М.Дөлгөөн, Ж.Эрхэмбаяр,  Нефть хийн барилга байгууламжийн 3-р дамжааны оюутан Б.Мөнхсүх, Б.Саруултөр,  НХӨ-3 Г.Нямбаатар,  НХО-2  Х.Насанжаргал нарын оюутнууд Монгол Улсын Газрын тосны салбарт тулгамдаж  байгаа асуудлуудаар сонирхолтой илтгэл тавьж  хэлэлцүүлэв.  Үүнд:

1.  Багш С.Сийлэгмаагийн удирдсан оюутан М.Дөлгөөн “ШТС-ын үйл ажиллагаанд ногоон марктенгийг нэвтрүүлэх нь”
2. Багш С.Сийлэгмаагийн удирдсан оюутан Б.Саруултөр “Метаны хийн хэрэглээний асуудал”
3. МИС-ийн багш  Ж.Төмөрхуягийн удирдсан оюутан Б.Мөнхсүх “Бүрхүүлтэй электродыг хадгалах, хэрэглэхэд  тавигдах шаардлага”
4.  Багш  Д.Ундармаагийн удирдсан оюутан Г.Нямбаатар  “Шаврын нунтаглалт өрмийн уусмалын шинж чанарт нөлөөлөх нөлөөллийн судалгаа “
5. Багш В.Алимаагийн удирдсан оюутан Ж.Эрхэмбаяр “Газрын тос түүний бүтээгдэхүүний бохир хаягдлыг цэвэршүүлэх, хоргүйжүүлэх”
6. Багш  В.Алимаагийн удирдсан оюутан Х.Насанжаргал  “Тосон-Уулын ордын давхрагын усны шинж чанарын судалгаа”