Сургалтын алба нь Сургууль, харъяа салбар, профессорын багуудын сургалтын бүртгэл тооцоо, ШУТИС-ийн Сургалтын Бодлого Зохицуулалтын Газартай холбох, түүнчлэн элсэн орсон бакалавр, магистр оюутнуудыг удирдлагын мэдээллийн UNIMIS системд бүртгэн авах үүрэгтэйгээр ажиллаж байна.

Тус алба нь сургалтын хэвийн үйл ажиллагааг хангах, сургалттай  холбогдсон аливаа  асуудлыг сургалтын нэгдсэн хуанли дагуу зохицуулах, кредит цагийн тооцоо, төлбөр, шалгалт, элсэлт, төгсөлттэй холбогдох мэдээлэл бүртгэл, оюутны хичээл сонголт, хичээлийн хуваарь зэргийг хянаж зохицуулах, статистик тайлан мэдээ гэх мэт элсэлтээс төгсөлт хүртэлх сургалтын үйл ажиллагааг зохицуулж, хяналт тавих зарчмаар Сургалтын алба болон профессорын багуудын сургалтын үйл ажиллагааг зохицуулах гэх мэт чиг үүргүүдийг гүйцэтгэж ирсэн.Сургалтын алба нь оюутнуудыг сургуульд элсэн орж суралцан төгсөх хүртэлх хугацаанд байнгын холбоотой ажиллаж, тэргүүний оюутнуудыг шалгаруулах ажлыг зохион байгуулан, гадаадын болон дотоодын сургалтын тэтгэлэгт хөтөлбөрт хамруулах, шагнал урамшуулалд тодорхойлох ажлыг улирал бүрт гүйцэтгэж байна.

Энэ хичээлийн жилд манай сургалтын алба нь оюутны сурах үйл ажиллагааг идэвхжүүлэхэд онцлон анхаарч ажиллах зорилт тавин ажиллаж байна.   

Сургалтын Албаны үйл ажиллагааны чиглэл:

• Сургуулийн сургалтын бодлогыг хэрэгжүүлэх;
• Сургалтын процессийн хэвийн үйл ажиллагааг хангах;
• Сургалтын үйл ажиллагааг ШУТИС-ийн "Сургалтын нэгдсэн хуанли"-ийн дагуу зохион байгуулах, хянах;
• Сургуулийн удирдлага, багш, оюутнуудад шаардлагатай зөвлөгөө өгөх, мэдээ, мэдээллээр хангах зэрэг болно.

Геологи газрын тосны сургуулийн сургалтын албаны бүрэлдэхүүн:

Дэд захирал À.Áààñàíæàðãàë

Ажилтнууд: Ц.Энхтуяа, Ч.Болормаа, Ì.Áàëæèííÿì

Сургалтын Албаны хаяг: 

ШУТИС-ийн 1-р байр, 308 тоот өрөө

Утас: 324590-2202